por Dietmar Schwärzler e Sylvia Szely
Un fragmento da entrevista publicada dentro do especial (S8) da revista Lumière. Para ler a entrevista completa: elumiere.net/exclusivo_web/ s82018 info
Phil Hoffman. Foto: María Meseguer
“Chámome Phil Hoffman. Son un cineasta e professor de Canadá. Esta noite estarei presentando películas autobiográficas temperás. Películas que fixen coa idea de que, para facer películas sobre o mundo, primeiro necesitas comprenderte a ti mesmo. Entender as túas ferramentas, os teus desexos íntimos e intencións. E despois poderás empezar a facer películas sobre o mundo.”
Philip Hoffman
Philip Hoffman. Programa 2. Duración total: 85 min. CGAI – 30/05 – 21h
Patrón, medida, estrutura, correspondencias, ritmos e combinacións. Este grupo de películas alíanse para pensar nas diferentes expresións destas ideas no cinema. Desde a xeometría na composición dun plano, á precisión nos cortes, pasando pola ordenación do mundo en estruturas preconcibidas. A forma como razón e guía, as posibilidades propias do cinema (e só do cinema) postas en xogo, e convertidas tamén nunha forma de xogar. info
Ángel Santos
Galicia é unha, pero parecese desdobrarse en moitas por conta das múltiples voces e ámbitos que o seu panorama cinematográfico ofrece, un panorama do que damos conta a través do percorrido anual de Sinais en curto. Parecese que a curiosidade e a exploración guiasen os pasos do cinema galego, sendo ademais o formato curto un campo abonado para dar renda solta ás manifestacións que saen desa forma de pensar e facer. Desde a experiencia e o coñecemento ata a mocidade e o descubrimento, Sinais en curto funciona como variado catálogo de mostras da colleita recente. info
Tempo, estrutura, patróns. Estes son algúns dos principios que guían a novena edición do (S8) Mostra Internacional de Cinema Periférico que, baixo o título Lux Algebra, invoca os elementos alquímicos cinematográficos que manipulan o tempo e as súas estruturas, e que definen unha programación coa que se completa a triloxía dedicada á creación cinematográfica que a Mostra foi desenvolvendo nestas pasadas edicións, desde a luz con Os novos impresionistas (2016) á materia que da soporte ás imaxenes con Obxectos e aparicións (2017), sobre os conceptos de apropiación o found footage. info
