Titoras INPUT 2019

INPUT é un espazo de titorización de proxectos cinematográficos en desenvolvemento que xorde da colaboración entre a Fundación Luis Seoane e o (S8) Mostra Internacional de Cinema Periférico, mediante o que 3 autoras terán acceso a 3 profesionais de prestixio internacional do ámbito do cinema e da arte, con quen poderán discutir acerca dos seus proxectos, dende o estado de escritura e desenvolvemento até o de distribución.

Ate o 5 de maio estará aberto o prazo de envío de proxectos, que será totalmente gratuíto.

Aquí tes toda a información acerca da convocatoria: http://www.s8cinema.com/portal/gl/2019/04/abierta-la-convocatoria-de-input-2019/

Biografía das titoras

Pamela Biénzobas

Consultora, crítica e xornalista de cinema chileno-francesa. Ademais de dúas décadas escribindo de cinema, colaborando con revistas e libros de distintos países, ten traballado avaliando e asesorando proxectos, así como propoñendo candidatos para fondos e programas internacionais como Abycine Lanza, Torino Film Lab, Rawi (Xordania) ou Bellagio Center (Rockefeller Foundation), entre outros. Tamén traballa con festivais como Róterdam, Xixón ou Berlinale Forum.

María Morata

Comisaria e investigadora. Ten realizado proyectos artísticos e programas audiovisuais para distintos museos, festivais e institucións artísticas (Arsenal-Institut for Film and Videoart Berlin, CCCB, MACBA e Centre Arts Santa Mònica Barcelona, Sterischer Herbst Graz, Impakt Festival Utrecht, Intermediae Matadero e La Casa Encendida, entre outros). Membro do comité de selección Berlinale Shorts do Festival Internacional de Berlín, Dok Leipzig e Kasseler DokFest.

María Palacios

María Palacios Cruz é responsable da especialidade de comisariado na Elias Querejeta Zine Eskola (San Sebastián), directora adxunta de LUX (Londres) e co-fundadora de The Visible Press. Ademais é programadora para Punto de Vista (Pamplona) e el Festival Courtisane en Bélxica. Acaba de editar a antología dos escritos de Lis Rhodes titulada Telling Invents Told (2019).

Aberta a convocatoria de INPUT 2019

INPUT é un espazo de titorización de proxectos cinematográficos en desenvolvemento que xorde da colaboración entre a Fundación Luís Seoane e o (S8) Mostra Internacional de Cinema Periférico, mediante o que 3 autoras terán acceso a 3 profesionais de prestixio internacional do ámbito do cinema e da arte, coas cales poderán discutir acerca dos seus proxectos, dende o estado de escritura e desenvolvemento até o de distribución.

A finalidade deste programa é apoiar proxectos cinematográficos de calidade, dando a oportunidade ás autoras de repensar o seu proceso creativo, mellorar a obra, localizar fontes de financiamento e lograr a distribución máis acaída das pezas.

Dende o 12 de abril até o 5 de maio estará aberto o prazo de envío de proxectos, que será totalmente gratuíto, para o que debes enviar un dossier dun máximo de 5 follas coa seguinte documentación (en castelán e inglés) ao correo electrónico [email protected]:

– Sinopse: máx. 1 páxina

– Teaser (se ten): máx. 3 minutos

– 2 fotogramas ou imaxes relacionadas co proxecto (se ten)

– Bio da solicitante con ligazón á súa web (se ten): máx. 1 páxina

– 1 fotografía da solicitante

– Email e teléfono de contacto

O 10 de maio notificarase ás persoas seleccionadas, que terán até o 12 de maio para confirmar a súa asistencia. En caso de non facelo, procederase a contactar coas suplentes. O día 14 de maio farase público os 3 proxectos seleccionados que participarán en INPUT 2019.

As titorías terán lugar na Sala de Prensa de Afundación o día 5 de xuño de 11:00 a 12:00 e na Fundación Luís Seoane os días 6 e 7 de xuño en horario de 10:30 a 12:30. As participantes terán garantida a asistencia ás masterclasses que haberá no CGAI os días 6 e 7 de 13:00 a 14:00. INPUT 2019 terá lugar no contexto do (S8) Xª Mostra Internacional de Cinema Periférico.

Para máis información, podes descargar as bases na seguinte ligazón: BASES INPUT 2019_GAL

Calquera dúbida será atendida en [email protected].

Aberta a convocatoria de INPUT 2018

foto: s8cinema

INPUT é un espazo de titorización de proxectos cinematográficos en desenvolvemento que xorde da colaboración entre a Fundación Luís Seoane e o (S8) Mostra Internacional de Cinema Periférico, mediante o que 3 autoras terán acceso a 3 profesionais de prestixio internacional do ámbito do cinema e da arte, cos cales poderán discutir arredor dos seus proxectos, dende o estado de escritura e desenvolvemento até o de distribución.

A finalidade deste programa é apoiar proxectos audiovisuais de calidade, dando a oportunidade ás autoras de repensar o seu proceso creativo, mellorar a obra, localizar fontes de financiamento e lograr a distribución máis acaída para as pezas.

Dende o 6 até o 27 de abril estará aberto o prazo de envío de proxectos, que será totalmente gratuíto, para o que debes enviar a seguinte documentación (en castelán e inglés) ao correo electrónico [email protected]:

• -Sinopse: máx. 1 páxina
• -Descripción do proxecto: máx. 3 páxinas
• -Teaser (se ten): máx. 3 minutos
• -2 fotogramas ou imaxes relacionadas co proxecto (se ten)
• -Bio da solicitante con ligazón á súa web (se ten): máx. 1 páxina
• -1 fotografía da solicitante
• -Email e teléfono de contacto

O día 3 de maio faranse públicos os 3 proxectos seleccionados que participarán en INPUT 2018.

As titorías terán lugar na Fundación Luís Seoane da Coruña o 31 de maio e o 1 de xuño no contexto do (S8) 9ª Mostra Internacional de Cinema Periférico.

Titores:
Cíntia Gil. Directora de Doclisboa (Portugal)
James Lattimer. Programador da Berlinale Forum (Alemaña)
Isabel Orellana. Programadora no Festival Internacional de Cine de Valdivia (Chile)

Para máis información, podes descargar as bases na siguiente ligazón: Bases INPUT 2018_GAL
Calquera dúbida será atendida en [email protected].

foto: s8cinema