O mundo dos soños é un pouco como o máis aló, só que se pode facer ata alí unha viaxe de ida e volta. Dentro da mente de cada persoa existen dominios misteriosos e descoñecidos. Paraxes que podemos alcanzar a través do cine e da performance, grazas a mediums como Zoe Beloff, nesta edición do (S8). info
Falamos con Guy Sherwin, que a tarde do venres ofreceranos, dentro do ciclo Cine Performativo unha mostra do seu fascinante traballo, que expande as fronteiras do cine. info
Este sábado, nada mellor que pasar a noite no cárcere. O inclasificable Dúo Cobra ofrecerá unha actuación en directo, que irá acompañada dunha multiproyección baixo o título “Papel Medium”, no (S8). Logo do live show, Jas Processor xunto a Sisco Larinho Dj presentarán REPUBLICA DISCO APOCALIPSO: unha escolma en formato de Vinilo e dixital dende vos anos 40 ata oxe en día. Unha república ecléctica de sons latinos, africanos, electrónicos, con actitude e, abrigo, con moito Groove. Coloreado todo elo con efectos sonoros e filtrado sintetico. Ás 22:00 h no Antigo Cárcere.
A continuación, Dúo Cobra nos dan unas claves para entender su sonido panayonqui. info
O ciclo “Outros formatos do cine en Galicia. Cine Recuperado” tráenos un conxunto de traballos que dan fe da escena creativa sen igual que houbo en Coruña entre finais dos 70 e principios dos 80. Falamos con Xurxo Taxes, comisario desta mostra xunto con Ánxela Caramés. info
Algo pasa en Galicia ou, polo menos, algo pasa na nova xeración de artistas galegas. Sen ánimo de etiquetar novas tendencias ou escolas, isto é algo que deixa patente a sección “Outros formatos do cine en Galicia. Hoxe” elixindo a catro creadoras ben distintas entre si, entes autónomos, en continua ebulición formal e ideolóxica: María Ruído, Peque Varela, Lara Bacelo e Xisela Franco. info
