Aberta a convocatoria de INPUT 2018

foto: s8cinema

INPUT é un espazo de titorización de proxectos cinematográficos en desenvolvemento que xorde da colaboración entre a Fundación Luís Seoane e o (S8) Mostra Internacional de Cinema Periférico, mediante o que 3 autoras terán acceso a 3 profesionais de prestixio internacional do ámbito do cinema e da arte, cos cales poderán discutir arredor dos seus proxectos, dende o estado de escritura e desenvolvemento até o de distribución.

A finalidade deste programa é apoiar proxectos audiovisuais de calidade, dando a oportunidade ás autoras de repensar o seu proceso creativo, mellorar a obra, localizar fontes de financiamento e lograr a distribución máis acaída para as pezas.

Dende o 6 até o 27 de abril estará aberto o prazo de envío de proxectos, que será totalmente gratuíto, para o que debes enviar a seguinte documentación (en castelán e inglés) ao correo electrónico [email protected]:

• -Sinopse: máx. 1 páxina
• -Descripción do proxecto: máx. 3 páxinas
• -Teaser (se ten): máx. 3 minutos
• -2 fotogramas ou imaxes relacionadas co proxecto (se ten)
• -Bio da solicitante con ligazón á súa web (se ten): máx. 1 páxina
• -1 fotografía da solicitante
• -Email e teléfono de contacto

O día 3 de maio faranse públicos os 3 proxectos seleccionados que participarán en INPUT 2018.

As titorías terán lugar na Fundación Luís Seoane da Coruña o 31 de maio e o 1 de xuño no contexto do (S8) 9ª Mostra Internacional de Cinema Periférico.

Titores:
Cíntia Gil. Directora de Doclisboa (Portugal)
James Lattimer. Programador da Berlinale Forum (Alemaña)
Isabel Orellana. Programadora no Festival Internacional de Cine de Valdivia (Chile)

Para máis información, podes descargar as bases na siguiente ligazón: Bases INPUT 2018_GAL
Calquera dúbida será atendida en [email protected].

foto: s8cinema

Conclúe a 1ª edición de BAICC: Entrevista a Tono Mejuto

Imaxe: Tono Mejuto

En 2017 puxéronse en marcha as primeiras Residencias Artísticas Internacionais de Creación Cinematográfica – BAICC, un proxecto moi desexado polo (S8) que se víu materializado grazas ao apoio de AC/E e o LIFT de Toronto, reafirmando a forte aposta da Mostra pola formación e a creación artística en espazos alternativos.

Tras unha exitosa primeira convocatoria con máis de 15 propostas recibidas, ‘Relieves’ de Tono Mejuto foi o proxecto seleccionado a desenvolver durante cinco semanas no Liaison of Independent Filmmakers of Toronto. O resultado final poderémolo ver, en estrea mundial, durante a 9ª Mostra de Cinema Periférico, que terá lugar en A Coruña do 25 de maio ao 3 de xuño de 2018.

Aproveitando os últimos días de Tono en Canadá quixemos realizarlle unha entrevista na que nos comenta a súa experiencia na residencia e algúns adiantos do seu traballo: info

Juan Orol: de lo kitsch a lo sublime

Lamentamos que a entrada non está dispoñible

Aliados en e coa periferia

O (S8) deu moito de si. Durante os días da Mostra, exploramos da man dos nosos protagonistas os máis recónditos recunchos do Antigo Cárcere, para falar do traballo e as impresións de cada un. A serie comeza con Ángel Rueda, director do (S8), e Beatriz Navas, responsable de audiovisuais de La Casa Encendida, que sosteñen un diálogo sobre os novos camiños do cine e, sobre todo, as vías polas que as creacións máis estimulantes vanse abrindo paso ata o público.

Guy Sherwin ten unha máquina do tempo

Guy Sherwin, unha das figuras máis significativas do cine performativo, fará unha visita ao (S8) con dobre aliciente: por unha banda, a proxección das pezas curtas “ao uso” da súa filmografía. Polo outra, o acontecemento no que se poderá asistir a unha das súas sesións de cine en directo. Algo que, sen dúbida, rompe esquemas con respecto ao que pode facer unha película.
Para Sherwin, ter unha cámara, e/ou un proxector, é como ter unha máquina do tempo. Poder volver ver, e darlle a man, ao “eu” de fai 30 anos, saltar a un lado e outro da liña con graza e lixeireza, volver proxectar no mesmo espello as mesmas árbores que antes estaban alí, e daban unha particular sombra, e agora poida que non estean, ou si.
info